曾經喺香港紅極一時嘅本地樂隊Supper Moment，於2019年起聲勢下滑，甚至淡出香港樂壇，只因當時未有公開表態支持黑暴，更因於黑暴亂港期間北上佛山開演唱會，而畀黃營打上「違背初心、「變節」等標籤。

發展重心早就轉移內地、多年未有喺香港演出嘅Supper Moment，早前以表演嘉賓身份現身《第45屆十大中文金曲音樂盛典》，一連唱出《橙海》及《無盡》等代表作，令現場high爆。正所謂「仇人見面」就梗係「份外眼紅」啦，黃營網民打開電視一見到Supper Moment就眼火爆，即刻上網刷負評鬧爆「叛徒」。

其實Supper Moment早幾年都曾經拍片串爆黃友，呢班友仔表面就話「擁抱自由」，其實只係想聽啲諗法同自己一樣嘅聲音，點知Supper Moment一講，反而換嚟更多黃營輿論抹黑，唔知Supper Moment係咪因為咁而心灰意冷啦，近年都喺內地發展，而佢哋喺上面嘅演唱會幾乎都係滿座，可見金子總係會發亮嘅。黃友凡事政治化，咁多年嚟，都唔知到底逼走咗幾多人才！

所以話，無論政治色彩如何，有真才實學先至最緊要！年輕人唔好再盲目跟隨一啲「政治偶像」，回頭是岸先係正途。你睇吓乜鬼嘢黃店、黃色經濟圈嗰啲，搞到社會撕裂，連食餐飯都要諗政治，你話對香港有乜好處？

睇吓嗰啲靠黃色政治操控人心嘅藝人，杜汶澤成日臭口賤嘴，平時實事唔做，淨係識得鬧政府，把口就話撐「手足」，結果呢？自己拍拍籮柚就走佬去台灣，留低班「手足」喺香港踎；再講埋阮民安，喺娛樂圈撈咗咁多年都撈唔掂，唯有就「靠黃」上位，作晒故仔博「手足」同情籌款歛財，咪衰煽動同洗黑錢入冊囉，依家走到去英國，仲要靠打賞平台賣黃繼續掠水。褪去黃色政治包裝，呢班無料扮四條嘅所謂藝人，對香港可以話毫無貢獻！

黃暴勢力玩完，依家正係香港再出發嘅時候，真正香港人應該要諗吓點樣用正能量趕走班借政治上位嘅害群之馬。Supper Moment重返香港舞台，就係一個好開始，向黃營中人證明咗，只要有才華，唔一定要沾上黃色政治才能成功，冇咗黃色嘅陰影，香港音樂亦可以再創高峰！

（文章純屬作者個人意見，不代表本報立場。）

原圖：杜汶澤、阮民安、Supper Moment Facebook圖片