五年過去，香港人雖難以忘記，但黑暴亂港早已成為歷史。有一班移居海外嘅黃友卻仍然死心不息，近日喺英國多個城市大搞集會乜乜物，高舉反動旗幟大唱獨歌，企圖令外界相信他們嘅搞事精神仍然未泯。咁嘅場面好似好威咁，但其實係咪真係有用呢？不過係自娛自樂啫。

其中倫敦就有黃友集會，要求英國政府關閉香港駐倫敦經貿辦，杜絕所謂嘅間諜行為云云。有港媽帶埋個女到場，講返起五年前嘅黑暴情景，扮晒忍唔住眼濕濕咁講：「好驚大家唔記得……連我個小朋友都開始唔記得」。呢一幕，真係諷刺到爆，佢哋正因為畀人遺忘，先至咁驚大家唔記得，真係自己都心知肚明啦。

外國圍爐集會喊口號，又可以改變到啲乜？香港回歸祖國廿幾年，經過《港區國安法》同《基本法》第二十三條嘅頒布和實施，社會秩序已經逐步恢復，家陣甚至日夜都繽紛緊，但有班黃友就唔敢返香港，只能夠喺外國繼續搞事，除咗刷下存在感話畀人知自己有幾煩，真係唔知仲有咩意義，只不過係自欺欺人啫。總有一日，佢哋會發現，喺外國喊破喉嚨，都唔會有人理會，香港嘅未來，最終都係要由香港人自己決定。

呢班黃友喺外國嘅所謂抗爭，根本就係一場鬧劇。佢哋正因為畀人遺忘，先至會不斷強調「好驚大家唔記得」，但事實係，香港已經進入新嘅時代，反中亂港者早已變成昨日黃花。任由黃友點樣搞事都好，都只會越來越畀人遺忘，淪為歷史嘅笑柄。

話返轉頭，當年有黑暴分子喺香港搞完破壞，就走咗去外國，仲敢講乜「光復香港」？如果真係咁愛香港，點解當香港經歷完黑暴洗禮，面對需要重建和安定嘅時刻，佢哋選擇做逃兵，遠走他鄉？當一班真心愛錫香港嘅市民喺經濟困境中收拾殘局，努力重建家園嘅時候，佢哋又走咗去邊度？一班所謂「抗爭英雄」嘅真正面目，不過如此。說穿了根本就係懦夫，無論係喺香港定係喺外國，都只係識得講大話、搞破壞，最終都係一場笑話。

文章純屬作者個人意見，並不代表本報立場