俄烏戰事打咗超過兩年，烏克蘭雖有美歐西方多國軍援不斷，可惜一直處於下風。不久前，烏克蘭國家邊防局公布數據，確認至少45人為咗逃避兵役而試圖克服自然障礙偷渡出境，不幸遇上意外喪生，佢哋大部分喺渡河時溺斃。

烏克蘭總統澤連斯基6月2日出席新加坡香格里拉對話記者會時，罕有地公開指責中國協助俄羅斯阻礙本月中旬喺瑞士舉辦嘅烏克蘭和平峰會，又指控中方向俄羅斯提供支援。中國外交部發言人毛寧隨即說，烏克蘭危機升級以來中國和烏克蘭一直保持溝通合作，中國仍然是烏克蘭最大的貿易夥伴，駐烏克蘭使館也始終在正常的開展工作；並指中方的立場是公開透明的，也是公平公正的，相信能夠得到各方的理解和支持。

澤連斯基向來只埋怨伊朗等國對俄羅斯供應武器、無人機，鮮有對中國說三道四，如今，相信是「走投無路」，被迫得發瘋了。古語有云：「鳥窮則噣，獸窮則觸，人窮則詐。」意謂鳥在困境中便會啄咬，野獸無路可走時會到處亂撞，人到走投無路時會開始欺騙。觀乎澤連欺基，確已經到了亂咬、亂撞、亂噏嘅地步！瑞士的峰會，中國明指不出席，俄羅斯又不被邀請，美國只派出副總統賀錦麗出席，換言之，呢個會嘅「含金量」可想而知，根本唔會談出個和平嘅未來！

澤連斯基心知肚明，拜登面對11月嘅美國總統競選連任危危乎，一旦特朗普勝出，白宮易主，必以犧牲烏克蘭為代價來結束戰事！澤連斯基一夕之間必淪為棄子，也就難怪佢嗆中國協助俄羅斯，甚至阻礙瑞士嘅和平峰會。

事實上，正如有烏克蘭官員稱，澤連斯基對瑞士和平峰會的焦慮已達到「偏執狂、妄想症」的程度。俄羅斯根本勝算在握，烏軍目前仍苦苦支撐局面。要是戰事急轉直下，美國口說支持而實惠不至，西方援烏又係講多過做，澤連斯基如有自知之明，應更積極主動求和，而非一味寄望乜嘢和平峰會。戰事再延續拖下去，不但受苦嘅係人民，分分鐘亦自身難保！

知情識趣，唔好死牛一邊頸，看來亦是一個好領袖要具備的。

原圖：Володимир Зеленський Facebook影片截圖

https://www.facebook.com/zelenskyy.official/videos/303832649360175/

文章純屬作者個人意見，並不代表本報立場