以美國為首嘅西方國家近年不斷抹黑中國「打壓」言論自由，但實際情況卻剛好相反。中國外交部昨(3月14日)發布《美國所謂「言論自由」的事實真相》報告，踢爆美國長期奉行雙重標準，用所謂「言論自由」嘅空洞政治口號，同虛偽道德面具掩蓋政治操控及社會不公。

呢份報告分為3個章節，當中揭露咗美國「言論自由」究竟係乜嘢嘅「言論自由」，分別批評美國言論自由名不副實、美國對內侵犯言論自由，同埋美國對外操控言論自由。

報告指美國國內嘅政治鬥爭踐踏言論自由，新聞干預威脅言論自由，社交媒體侵犯言論自由，又指美國喺國際上幻想繼續「一言堂」，用霸權霸道霸凌阻礙國際關係民主化，用誣衊造謠抹黑破壞國際輿論環境，用自我粉飾嘅道貌岸然形象及冠冕堂皇嘅說辭蠱惑國際社會。

報告批評美國打著「言論自由」嘅幌子惡毒攻擊抹黑中國，美國媒體片面解讀新聞事件，惡意報道涉華新聞；部分政客同媒體將美國民眾因總統選舉問題圍攻國會大樓嘅行為斥責為暴亂，卻將中國香港發生嘅街頭暴力運動美化為『追求民主自由』和『美麗的風景線』。

中國外交部發布嘅報告，引用咗大量事實，揭穿美國所謂嘅「言論自由」根本就係笑話，完美踢爆老美嘅醜惡嘴臉，實在值得一看再看！

原圖：新華社圖片

http://www.xinhuanet.com/english/2021-02/26/c_139769438.htm