過去一段日子，美國高官訪華不絕，令人以為中美有「止跌企穩」的希望。呢，6月19日，國家主席習近平接見到訪嘅美國國務卿布林肯時說：「當前，國際社會普遍對中美關係現狀感到擔憂，不希望看到兩國衝突對抗，不願在中美之間選邊站隊，期盼中美和平共處、友好合作。」習近平所說，確實反映了客觀事實。

之不過，就近期所觀察，中美兩個世界大國不但沒有止跌企穩，美國對中國嘅打壓更進一步升級，總統拜登簽署咗行政命令，嚴格限制投資中國高科技領域，措施更涵蓋港澳，咁擺到明美國對華科技戰升級。

事實上，過去美國企業喺華投資規模甚大，譬如以矽谷風投巨擘紅杉資本為例，自2005年以來，參與了逾千家中企投資，在華管理資產達560億美元。今趟拜登一聲下令，可以想像，一些美科企為了規避風險，說不定情願放棄投資中國。

打壓中國科企 同様有損美國企業

事實上，有識之士都知道打壓中國科企，同様有損美國企業。美國晶片業巨頭如英特爾、英偉達、高通等，早前游說拜登政府唔好採取更多限制，必須確保政策不會令業者被排除於中國這個最寵大巿場。微軟創辦人蓋茨便直指美國試圖阻止中國發展晶片科技終將一場空，反而毀了原本可以向中國售賣晶片嘅大生意！事實亦正如此，這只會令中國加快自力更生嘅步伐！試想想，當今中國既有充足嘅人力物力，也有雄厚嘅科技基礎，更有全球獨一無二嘅龐大市場，甚會被困死？

眾所周知，美國兩大政黨無論係民主黨定共和黨都係抗拒中國崛起，都愛拿「中國威脅論」說事，明年競選連任總統嘅拜登，為造勢表心迹，「對中國強硬可贏得選票」這一說法必深信不疑；之不過《新聞周刊》早前喺1500名美國嘅合格選民中，進行咗一項民意調查，詢問佢哋對2024年大選關鍵問題嘅睇法。結果顯示， 60%嘅受訪者認為，經濟係美國目前面臨嘅最重要問題；醫療保健屬其次，佔33%；治安和犯罪問題佔24%。大多數選民表示，佢哋目前嘅經濟狀況比三年前差，選民希望經濟狀況有所改善。

可見選民重視經濟問題，拜登政府依家唔着力拼經濟而係掛住打壓中國高科技，唔通咁就會振興美國經濟、改善民生？咪忘記打科技戰係「殺敵一千，自損八百」，更何況有可能會輸突！講真，此時此刻，同中國「和平共處，友好合作」不是更有希望救經濟？起碼中國即使唔增持美債，亦不會拋售美債啊！

文章純屬作者個人意見，並不代表本報立場

原圖：拜登FB

https://www.facebook.com/photo.php?fbid=323563490248152&set=pb.100077835098866.-2207520000.&type=3