曾為亞洲首富的馬雲有名言：今天你對我愛搭不理，明天我讓你高攀不起。

有人又話，同樣道理，今天美國晶片唔賣畀中國，明天想賣也未必有人要。

這大有道理，中國係世界最大晶片市場，佔全球份額超過三分之一，你山姆大叔唔賣畀中國，又不能賣畀俄羅斯，咁賣畀阿茂咩！以老美如今經濟實力，又點啃得落咁多晶片？這就難怪美國科企巨頭紛紛拍案而起，強烈反對拜登政府進一步限制晶片和半導體製造設備對華出口！你看英特爾第一季就虧損了28億美元；而被中國制裁嘅美光第二季就虧損逾23億美元！所以話，要同中國「去風險化」或「脫鈎斷鏈」根本係死路一條，只會令呢啲巨頭科企嘅經營環境陷入雪上加霜！

呢，話時話，美國作為世界第一強國，曾喺2011年遭信貸評級機構標準普爾摘除AAA最高主權信貸評級，依家相隔十多年後，又被另一評級機構惠譽降級，同様由最高嘅AAA下調一級至AA+，即前景穩定。

惠譽嘅理據係預期美國財政赤字惡化、債務高企且持續膨脹，以及國家管治能力遭削弱，導致過去20年多次觸發債限危機，國會與白宮陷入談判僵局。惠譽所言都係事實，佢估到咗2025年美國債務佔GDP嘅比率達到118%，較「AAA」評級國家嘅中位數39.3%高出逾兩倍。惠譽嘅估計不無道理。

呢！美國就係受不了批評，大國面子就係要「死頂」。美國財長耶倫迅速回應有關被降級行動，形容惠譽「武斷」，死撐美國國債仍然係世界上最安全和最具流動性嘅資產，而且美國現時經濟基調強勁。

美國又何必動這麽大氣？常言道「有麝自然香」！依家降一級，小兒科啦！前景穩定咪幾好！美元依然強勁，暫時仍然冇貨幣可替代！怕甚麼？你看北韓都有其生存之道，多年來從不賣你老美嘅帳，真正「我自求我道」，金正恩時不時又豹隱一輪不公開露面，久不久又射吓新研洲際彈道導彈，日韓美只有抗議「完全不能夠接受」又吹佢唔漲！

這種自求我道嘅精神值得欣賞。毛澤東曾說，「就我們自己的願望說，我們連一天也不願意打。但是如果形勢迫使我們不得不打的話，我們是能夠一直打到底的」。這話金正恩想必啱聽。

北韓尚且有其生存之道，堂堂美國又何必為降一級而耿耿於懷甚至大動肝火？

原圖：President Joe Biden Facebook

https://www.facebook.com/photo.php?fbid=841833287943636&set=pb.100063509179160.-2207520000.&type=3

文章純屬作者個人意見，並不代表本報立場