高盛不久前發表報告，預測印度將於2075年前超越美國，成為世界第二大經濟體，主要是該國人口迅速增長，且創新和技術不斷進步，資本投資和工人生產力都在提升。

有美國著名學者亦指出，今年早些時候，印度已超越中國成為全世界人口最多的國家，隨着人口增長到14億，其勞動力已達到頂峰，而中國人口卻一直在下降。此外，今年印度經濟有望增長6%，成為全球第5大經濟體，而這一增速快於中國。印度除咗有龐大人口，還有核武器、龐大的軍隊、強大的精英教育、創業文化等。

之不過，學者不忘提醒，中國經濟規模依然係印度嘅5倍，而且貧困係印度，繼續係普遍存在的現象。於高達9億嘅印度勞動人口中，僅有約半數進入到勞動力市場，且超過三分之一嘅女性係文盲。

呢，上個月印度總理莫迪訪問美國，獲布殊總統高規格接待，佢都好識做，係國會演講一味挑山姆大叔愛聽的話，甚麼民主自由、共同價值、美國係印度重要夥伴等，逗得一眾議員心花怒放、樂不可支。事實上，美國極力垃攏印度，亦不過利用印度抗衡中國，正如冷戰時「聯中抗蘇」。

不過，明眼人都知，中國一直係印度最大嘅貿易夥伴，亦係俄羅斯武器和石油嘅大買家。因此印度始終堅持獨立自主嘅外交原則和不結盟政策，不會輕易淪為美國嘅政治附庸。莫迪訪美，主要聚焦國防關鍵科技合作，著力提升印度嘅防禦能力。

坊間一直有所謂「龍象之爭」，龍代表中國，象係印度。從客觀的角度觀之，印度經濟量還不到中國嘅五分之一。正如有學者分析，經濟規模愈大，增長幅度就容易受限制，故近年中國嘅經濟增長率不如印度，屬正常印象；即使往後10年，印度每年的國民生產總值（GDP) ，平均能比中國多增兩個百分點，之但係要拉近兩國間5倍總量嘅差距，仍係一個遙不可及嘅夢！

中印關係因邊境問題，時有衝突，是以保持溝通自然重要。不過，莫迪近排被美國逗得太開心，若對美國太過傾斜，中方亦不可不防。莫迪想係中美之間左右逢源，如何拿捏，那就要看他的本事！否則對着不誠無物嘅老美，分分鐘「偷雞唔到蝕拃米」！

原圖：拜登Twitter

https://twitter.com/POTUS/status/1598669067786899457

文章純屬作者個人意見，並不代表本報立場。