幫緊你，幫緊你，呀！唔係！有啲嘢，唔好話幫手啦，連口都幫唔落呀！話說日前尖沙嘴有間性商品店，喺Facebook度發火，怒轟一個慾火焚身就地「起機」嘅「自瀆男」！事緣呢個「自瀆男」夠膽死喺嗰間性商品嘅試身室度自瀆呀！

店家喺帖文度話，雖然尊重每個人都有唔同嘅性喜好，但唔代表會包容個別人士以此為由，到店內空間進行「洩慾行為」，店家仲發晒火咁話：「呢度係一個讓大家探索情慾嘅平台，但絕非讓人隨意上嚟打飛機嘅地方」，佢哋仲發火警告話：「唔好再嚟打飛機！」最終，店家報警，案件列作猥褻暴露身體，交由油尖警區刑事調查隊跟進，暫時未有人被捕，目前警方正追緝涉案男子。

哎呀！呢個「自瀆男」咁大膽、咁把炮，今集Chill好傾唔講佢，真係對唔住咁多位觀眾啦！馬上一齊去片，同我哋一齊「吹吹」佢。

仲有，記得逢星期一、五晚上，準時收聽我哋Chill好傾，同你茶餘飯後，笑談新聞。