使用者名稱
使用者電郵
密碼
確認密碼
年齡
性別
Generic placeholder image
想收到的資訊
  • 時事
  • 投資
  • 生活
喜歡的資訊
  • 編輯推介
  • 時事新聞
  • 博客
  • 投資
  • 趣味影片
  • 生活
教育水平
  • 小學
  • 中學
  • 大學
  • 碩士
  • 博士
常用的社交媒體
  • Facebook
  • 微博
  • WeChat
  • Whatsapp
  • Twitter
  • Line
  • Instagram
確認

我們會發送內含重設密碼連結的通知信給您

確認

博客

梅德韋傑夫訪華
構中俄合縱抗美新格局?

2023.01.01 23:00 博客 徐韋

俄羅斯總理梅德韋傑夫喺聖誕前以俄羅斯統一黨主席嘅身份訪問中國,獲中國國家主席習近平接見。梅德韋傑夫轉交俄羅斯總統普京致習近平嘅親署信,並轉達普京對習主席嘅友好問候同美好祝願。雖然本港媒體對呢單新聞關注唔多,但梅德韋傑夫此行或標誌中俄合縱抗美嘅新格局已形成。

習主席表示,過去10年間,「中俄發展新時代全面戰略協作夥伴關係」,係雙方基於各自國情作出嘅長遠戰略選擇,習主席仲指出「中方願同俄方一道,把新時代中俄關係不斷推向前進」,推動全球治理朝着更加公正合理嘅方向發展。

梅德韋傑夫回國後即快馬加鞭推進同中國嘅合作共識。例如,佢希望同中國推進大豆貿易,要搶喺中國元旦假期結束後,24小時開放卡尼庫爾干口岸。中國每年從美國購進大量大豆,但由於美國對中國採取敵視態度,中國為咗保障糧食安全,唔可以過分依賴美國農產品,必須尋找其他貨源,俄羅斯絕對係一個好選擇。

美國信奉極端利己主義

西方對俄羅斯嘅制裁,雖然無直接針對俄羅斯嘅糧食出口,但俄方表示,實際已受到限制。俄羅斯政府早前表示,今年俄羅斯嘅糧食收成有望破紀錄,達到1.42億噸,單係小麥收成已接近1億噸,但因為出口問題,呢啲糧食堆喺倉庫賣唔出,如果打通中俄糧食通道,可以話係各取所需。俄羅斯可賣出糧食賺取外匯,突破西方包圍圈;中國可增加糧食儲備,多一個進口來源,就少一分被制裁嘅風險,仲可以應對不時之需。

俄烏戰爭曠日持久,令俄羅斯嘅經濟捉襟見肘,尤其國際油價已跌至70美元一桶,俄羅斯石油仲被歐洲限價為60美元,對俄羅斯嘅能源收益造成影響。所以,加強同中國合作,絕對可以緩解戰爭帶嚟嘅經濟同財政負擔。今次訪華之旅後,梅德韋傑夫講話都有咗底氣,佢強調,俄羅斯對烏克蘭嘅特別軍事行動,目標係要盡一切努力確保烏克蘭嘅「納粹政權」不復存在。

美國係綜合國力最強嘅國家,但憑著實力優勢喺全世界巧取豪奪,千方百計打壓中俄崛起,以維護其霸權地位。俄烏戰爭、台海危局都係美國充當幕後黑手挑動,目的係要打垮兩大競爭對手。但世界並唔係你死我活嘅搏鬥場,零和思維、單邊主義不得人心,美國信奉嘅極端利己主義,必然會遭到中俄等國反制。梅德韋傑夫呢次訪華,或有助推動中俄關係更進一步,最終形成中俄合縱抗美的新格局。

原圖:新華網

投票已截止,多謝支持

發表意見

排列方式: