對於特首及特區政府嘅施政努力，市民給予肯定鼓勵！香港研究協會喺12月初，進行咗一次對特首、各司局長及特區政府滿意度嘅民意調查。

調查成功訪問咗1098名成年市民。結果顯示，特首及司局長嘅民望都有所上升，其中特首李家超評分連續兩次民調都有上升，今次得分2.7分，較上一次民調上升0.19分，反映市民認可特首近期施政表現。

而在正副司長中，評分最高嘅繼續係財政司司長陳茂波（2.75分），其次係財政司副司長黃偉綸（2.52分），政務司司長陳國基則以2.49分居三。

鄧炳強評分居局長之首

至於評分升幅方面，喺15個局長之中，保安局局長鄧炳強繼續以2.80分繼續居於榜首，佢亦係評分升幅（+0.20分）最大嘅局長。評分居於第二位嘅係醫務衛生局局長盧寵茂得2.65分，運輸及物流局局長林世雄得2.57分居第三位。

此外，對於特區政府九項施政表現評分亦都全數上升，其中「維護國家安全」評分最高（3.13分），三次調查都居於榜首。其次係「提升管治能力」（2.59分），及「扶貧安老助弱」（2.58分）。而評分最低嘅仍然係「改善醫療護理質素」（2.48分）。

今次民意調查結果顯示，市民對特首、各司局長和特區政府嘅施政表現給予咗正面嘅評價，請繼續努力！大家一齊建設一個更好嘅香港！

原圖：星島日報

https://www.wenweipo.com/a/202206/04/AP629aa41ce4b033218a503a02.html

https://std.stheadline.com/daily/article/2397784/