老美近日再對台軍售!美國國防安全合作局(DSCA)近日(6日)宣佈,經美國國務院批准,兩筆總金額為4.28億美元(約33.4億港元)嘅對台軍售案已經上馬。據知今次軍售主要係美國將向台軍提供F16戰機、C-130運輸機、IDF戰機等備用零件及支援系統等。今次軍售係美國總統拜登上任以來嘅第7次對台軍售。
DSCA話今次軍售可以維持台灣防衛能力,亦有助維持區域政治穩定、經濟發展及軍事平衡。
另外,美國國會同日亦公佈協商版國防授權法案,計劃喺未來5年,每年向台灣提供20億美元(約156億港元)嘅軍事援助,總金額高達100億美元(約780億港元)。
老美又再對台軍售,今次仲要賣零件畀台灣,真係當正台灣水魚咁劏!可憐台灣民眾辛苦搵埋嘅血汗錢,就咁畀蔡英文送咗畀老美,真係無陰公喇!
原圖:拜登Twitter、Now視頻截圖
https://twitter.com/POTUS/status/1598067614185652231/photo/1
投票已截止,多謝支持