美國近年炒作各形各式嘅中國威脅論調，目的只係得一個，就係為咗保住自己嘅霸權地位！近日，美國國務卿布林肯同北約外長會面後表示，對於中國構成嘅挑戰，北約始終「保持清醒」；對於中國加強軍事建設以及與俄羅斯嘅合作，令北約盟國感到憂慮。面對呢種橫蠻無理、是非黑白不清嘅言論，趙立堅2日喺回應記者時表示，美方咁嘅「冷戰」式言論，充滿意識形態偏見。趙立堅斥責，美國先至係脅迫外交嘅始作俑者同集大成者！

趙立堅解釋，之所以話美國最擅長脅迫外交，係因為美國「從武力威脅到政治孤立，從經濟制裁到技術封鎖」，壞事做盡，簡直可以做模範教材展示。其次，美國喺過去咁多年（冷戰時期）嚟，一直都透過散布假消息嚟達至政治目的，喺新疆問題上已經可以充分睇到美國捏造假證據嘅行為。

對於美國三番四次提及嘅中國加強軍事建設帶嚟嘅「擔憂」，趙立堅表示，美國正正係全球搞風搞雨最頻繁嘅國家，首先美國嘅軍費高舉全球第一，「相當於其後9個國家的軍費總和」。另外，美國喺全球各地多達800幾個海外軍事基地，過去喺伊拉克、阿富汗、利比亞等國都進行過軍事行動。從呢一點睇，邊個破壞全球安全穩定，大家應該好清楚。

趙立堅發言人講得好！面對美帝嘅無理指責，最好嘅方法就係擺事實講道理，將實際情況一五一十講出嚟，大家自然會發現，老美原來一直都喺度老屈中國。支持趙立堅發言人講出真相！

原圖：中國外交部圖片、布林肯Twitter

https://twitter.com/SecBlinken/status/1598855357648240640/photo/1