再有國際體育賽事喺播放香港運動員所屬嘅中國國歌時出錯！尋日（2日），喺杜拜舉行嘅2022亞洲經典健力錦標賽，中國香港運動員運動員連煒楨表現出色，勇奪金牌。本應可喜可賀，但當大會播放中華人民共和國國歌《義勇軍進行曲》時，竟錯誤重現，播放咗黑暴獨歌《願榮光歸香港》！連煒楨喺獨歌播放咗約10秒左右發現不妥，立即舉起T字手勢要求叫停。大會隨即停止音樂，場面一度十分尷尬。大概一分鐘之後，正確嘅《義勇軍進行曲》響起。文化體育及旅遊局（3日）今日表示強烈不滿，並對連煒楨喺事發時嘅表現表示肯定。

資料顯示，2022亞洲經典健力錦標賽1日至7日喺杜拜舉行，有關賽事機構係「亞洲健力協會」（Asian Powerlifting Federation）。早前，香港欖球隊在參加國際賽事時，遇到數次賽事舉辦方錯把獨歌當中國國歌的事件，針對這種情況，港協暨奧委會向轄下體育總會發出播放國歌和升掛區旗指引：若發現播放國歌或升掛區旗出錯，運動員及隊伍須以「T」字手勢示意反對；如果主辦方沒有立即更正，領隊須帶領全體隊員離場。相信連煒楨此次是指引生效後香港運動員首次採用該指引。

香港運動員來自中國香港，當運動員取得佳績，所代表嘅係中國人民共和國，而中國國歌毫無疑問係由聶耳作曲、田漢作曲嘅《義勇軍進行曲》，呢樣嘢絕對不容置疑！對於近來多次發生嘅播錯國歌事件，一定要嚴肅跟進事件錯誤原因。最後，對於連煒楨喺賽事中奪金，致以衷心祝賀，並對於佢喺奏國歌時捍衛國家尊嚴嘅表現，我哋畀個大大嘅like，巾幗不讓鬚眉，做得好！

原圖：YouTube視頻截圖、頭條日報

https://hd.stheadline.com/news/realtime/hk/2390223/