如果你係巴士上面，見到有個女學生個頭飾「超異常」，除咗巨型，仲五顏六色咁，你會有咩反應？緊係好奇睇清啲啦！點知唔睇由自可，一睇就「嚇壞寶寶」，原來係一條「巨型變色龍」嚟喎！不過對於呢條「巨型變色龍」，反應都好兩極嘅，亦有人大讚好靚嘅。有網民就好眼利，話：「第一次見變色龍唔知變咩色好」。

靚唔靚就見仁見智啦，但究竟巴士可唔可帶「變色龍」上車？咁做有無問題？同埋，除咗變色龍，仲有無見過人帶其他奇奇怪怪嘅寵物上物？今集Chill好傾主持，同大家一齊傾傾呢個話題。

仲有，記得逢星期一、五晚上，準時收聽我哋Chill好傾，同你茶餘飯後，笑談新聞。