英國在世界盃玩政治玩出火，最終燒返自己後欄？今屆卡塔爾世界盃，西方國家在球場之外另開政治戰場，不斷出力把世界盃政治化，拿人權問題說事。其中，英國倫敦的交通管理局（TfL）近日宣布，將禁止卡塔爾在當地的巴士、的士、地鐵系統等等賣廣告，認為如此這般可表達對卡塔爾於人權、性小眾權利、對待外勞等問題表示關切。不過，報道指，有關做法令卡塔爾當局震怒，表明正在審視讓國當前以至未來在倫敦的投資。換言之，威脅撤資也！

TfL主席是倫敦市長簡世德，報道指，此君他早在2019年時，就推動用這招處理針對性小眾群體的國家，其後祭出暫停讓卡塔爾、巴基斯坦、汶萊、沙特阿拉伯等11個國家落新廣告。在今屆世界盃，其中一個爭議在於是不讓參賽隊伍配戴支持性小眾的彩虹臂章，於是TfL就真正出招喇。

卡塔爾不滿倫敦雙標

據外媒報道，卡塔爾一名匿名官員指負責籌世盃的卡塔爾機構及旅遊局已收到有關通知，卡塔爾視之為倫敦市長辦公室對該國發出不歡迎其投資的信息，故正就此進行審議，度度去唔去其他城市甚至國家投資。呢位匿名官員質疑，倫敦冇落實禁令，畀阿聯酋、沙特落廣告，但就針對卡塔爾，質疑此舉係玩雙重標準遊戲。

如果倫敦做到一視同仁，怒懟全世界，相信問題不會鬧大，但倫敦被指標準一時一樣，成為了卡塔爾憤怒的起源及反擊的突破口。雖然倫敦市長辦公室疑似知道大鑊，故聲稱簡世德沒有參與有關決定，企圖甩鍋，但似乎已經觸怒了卡塔爾當局了。

眾所周知，石油大國卡塔爾財力極為雄厚，在倫敦有大量投資，一旦真的撤資，英國真係麻煩鳥。你知啦，英國近排好唔掂檔，家陣卡塔爾嘅講法係轉去其他英國城市甚至其他國家投資，即唔只倫敦大鑊，係成個英國都大鑊，雪上加霜，而移民咗去英國嘅香港人到時真係唔知點算呀！究竟倫敦是為公義還是賺錢至上，我們很快就會知道答案。

原圖：新華社