11月22日，深水埗楓樹街4名車房男職員涉挑釁、辱罵交通督導員，事後4人被捕，大快人心之餘，同時被街坊踢爆涉事車房不時出現違泊情況。4名被告文仲賢（30歲）、劉富華（28歲）、王桐勵（29歲）及趙詠明（32歲），昨日於西九龍裁判法院被控在公眾地方作出擾亂秩序的行為罪，獲准以5,000元保釋，並每天到警署報到，案件明年1月再訊。

警方高度重視，在區內連日掃蕩違泊車輛。尋日晏晝5點幾，涉事車房突然喺社交平台發帖道歉，仲話將會結業收檔。該帖文對造成交通阻塞影響街坊、同時為其他車房和店舖受影響致歉，「同深水埗街坊講聲唔好意思，害到大家交通上咁多阻塞」；又叫網民「唔好再各大平台留言，想令事件沖淡」，似乎係頂唔住網民指責，有意息事寧人。

帖文最後表示，「本公司將會結業，令深水埗所有店舖可盡快恢復正常。」不過，該社交平台在晚上已顯示無法瀏覽，或已被刪除。

雖然涉事車房道歉兼話將會執笠，大部分網民都唔多滿意，有網民直斥：「你唔識尊重執法人員，有冇向他們道歉？」冇錯，執法者盡責維持社會秩序，卻遭受侮辱，簡直是豈有此理！一句到尾，執法者的尊嚴必須捍衛！

原圖：星島日報、深水埗警區facebook

https://std.stheadline.com/realtime/article/1888367

https://www.facebook.com/sspodist/photos/pcb.2140588709477655/2140686059467920