「七欖」錯把獨歌當中國國歌事件再次出現！有眼利嘅網友發現，喺專以報道欖球賽事消息嘅新聞平台RugbyPass10號上載嘅YouTube視頻中，6號舉行嘅2023年杜拜欖球世界盃終極復活賽香港隊與葡萄牙隊賽事，精華片段上英文字幕竟然顯示獨歌「榮光」（GLORY TO HONG KONG ）係香港國歌（NATIONAL ANTHEM OF HONG KONG）！引起網上一片嘩然！

值得一提嘅係，「七欖」唔同，欖球世界盃賽事係每隊上場15人賽制。2023年杜拜欖球世界盃終極復活賽喺當地時間6日至18日舉行，香港分別喺6日、12日以及18日對決葡萄牙、美國以及肯雅。弔詭嘅係，除咗對葡萄牙呢場嘅精華片段上出錯之外，另外兩場比賽嘅精華片段並冇顯示國歌嘅字幕資料。又係工作人員再次「疏忽」？！絕對不能接受！

香港欖球總會回覆表示，正在了解有關事件。

究竟係咪欖球機構裡面出現港獨黃絲滲透，製造事端？事關重大，而且出現喺欖球世界盃相關賽事中，較亞洲七欖南韓站賽事規格更高、受眾面更廣，必須嚴肅跟進事件！

原圖：YouTube視頻截圖

https://www.youtube.com/watch?v=HLwrfYs7Ci4