美國前總統特朗普正式宣布競逐2024年美國總統大選!特朗普自從連任失敗之後,一直都謀求捲土重來。然而,美國主流媒體似乎就對特朗普唔太收貨,長達一小時嘅直播演講,包括美國電視新聞網(CNN)及霍士新聞(FOX News)都頂唔順佢喺演講中嘅失控離題,不約而同地提前切斷直播畫面!
正如大家預料,特朗普喺私人別墅海湖莊園發表其參選演說。一開始頭15分鐘,特朗普仲可以自圓其說,有文有路,最起碼能畀大家聽得出佢喺講有關參選總統嘅嘢。但唔知點解,特朗普講話無端不著邊際,思路混亂,就連現場直播的CNN、FOX News都頂唔順,先後在特朗普發表演說約20分鐘及35分鐘切斷直播。
最唔畀面特朗普嘅一定要數國家廣播公司(NBC),根本就冇進行直播,這或者證明特朗普執政4年期間,同主流媒體關係已經惡劣到了無以復加嘅地步。
而身處G20峰會的美國總統拜登亦有出招,趁特朗普演講期間,上載了一條名為「特朗普辜負美國」(Donald Trump failed America)短片,明嘲特朗普任內將美國搞得有多差。
4年一度的美國總統大戲又快要上演,各位看官有何看法?歡迎留言講講。
原圖:特朗普FB、網頁截圖
投票已截止,多謝支持