黃到出汁嘅奀星阮民安（Tommy仔）因涉嫌干犯社交媒體作出煽動意圖行為以及欺詐罪，自今年2月被捕後一直還押至今，計落都超過8個月。喺獄中過住空虛寂寞凍好日子嘅佢，喺11月3日又再上庭受審。

可能因為太掛住老婆同兩個仔，阮民安喺區域法院申請保釋，結果被法官拒絕！筆者雖然唔喺現場，但大概都估到Tommy仔聽到裁決嗰刻嘅心情。嗰種失望、唏噓、挫敗，真係隔住個Mon都feel到呀！

其實早喺今年4月底，阮民安老婆張倚雯（Eva）已經帶住兩個仔移居英國，當時佢喺社交平台好煽情咁講「沒有任何退路，只能頭也不回的往前走」，引起一班花生友嘅猜想。

可能……Tommy仔今次麻煩了！仲有冇機會見返老婆同兩個仔呢？已經係第二次向法官申請保釋，點知又衰咗，再申請保釋會唔會越嚟越難？如果Tommy仔老婆等得太耐，如果個期限係要用「年」嚟計算嘅話，咁佢老婆對他仲能唔能夠情深意堅呢？會唔會另結新歡，令Tommy仔嘅一頭飄逸秀髮逐漸變綠又得，立即綠晒都得？仲有，兩個仔仔咁細，仲記唔記得Daddy呀？？帶住一連串問題嘅Tommy仔睇嚟都愁爆啦！
 
筆者作為旁觀者，真係替阮民安感到好慘慘呀！其實，路係有得揀嘅，阮民安本來可以唔使搞到呢種田地，但點解要選擇走呢條黃色不歸路呢？雖然你可能面臨「妻離子散」嘅下場，可能其實呢一切都係你咎由自取呢。

講真，Tommy仔喺歌唱事業成績麻麻，但早就已經係黃圈中嘅狂熱分子。3年前黑暴嗰陣，他已經三番四次參與其中，仲好有型咁講，唔會因為失去內地市場而妥協，講到好似同錢有仇咁。筆者本來見他咁可憐，真係唔忍心說穿，但問題係，佢喺內地有市場嘅咩？而家仲會有內地市民聽佢嘅歌咩？就連喺香港都冇乜人知道佢啦！

雖然Tommy仔同佢老婆之後會點樣，冇人可預料；但筆者始終都希望佢老婆只係出走，而唔係走佬，阮民安一家仲有團聚之日，但至少要喺佢坐完監，找清楚條數先！

原圖：阮民安 facebook 圖片