為免樂極生悲，警方提前做好部署，保障市民安全！前晚（29日）發生喺韓國首爾嘅梨泰院人踩人悲劇死傷慘重，令人痛心。唔少人應該記得，香港嘅蘭桂坊喺29年前亦曾發生一場21人死亡、63人受傷嘅同類悲劇。警方汲取當年慘劇嘅教訓，加強控制人流，讓市民外出參與慶祝活動時，都可以玩得放心！

由於今年萬聖節正日係星期一（31日），因此好多市民都選擇提前喺星期五、六夜晚扮鬼扮馬，到蘭桂坊感受節日氣氛。為避免意外發生，警方做好準備工夫，實施單向人潮管制，並一度關閉港鐵中環站部分出口。有受訪市民表示，對警方嘅控制人流措施有信心。

此外，警方仲喺多個人流密集出入口安排人手，並廣播要求市民唔好喺人多嘅地方停留，仲分階段進行封路等特別安排。

慘劇一單都嫌多，香港經歷過慘烈嘅人命傷亡教訓，先學識要喺人流多嘅狂歡節日入面做好人流管制。警察做好本份，提前做好部署工作，令市民可放心、安心出嚟萬聖狂歡，放患於未然，絕對係一件好事！

原圖：文匯報

https://dw-media.wenweipo.com/dams/wwpproduct/image/202210/31/635f13a0e4b03aa1237eb769_v1.jpg

https://dw-media.wenweipo.com/dams/wwpproduct/image/202210/31/635f0e0ce4b03aa1237eb6bc_v1.jpg