英國黃組織「捍衛港人陣線」成員圍堵中國駐曼城領館搞事，並作出一系列侮辱行為，事件引起外界一片嘩然。佢哋事後仲聲稱有位手joke被中國駐曼領館嘅工作人員拉入館內毆打！煽動黃友喺當地時間23號下午4點，喺聖彼得廣場（St Peter's Square）再集會搞事！

呢班黃友，再次發揮拿手嘅煽暴專長，將帶有黑暴文宣風格嘅字眼寫喺海報上，直情要將香港嘅黑暴Copy去英國咁。

更吊詭係，有報稱喺事件中被打傷嘅陳姓男子，19日喺倫敦搞咗個所謂記者會，眉飛色舞咁話自己被中方的領館人員「拳打腳踢」，搞到周身傷喎，仲串爆曼城警察令人「好失望」，冇保護好示威人士合法行使遊行示威權利。

中國外交部發言人汪文斌日前回應事件指，由於不法分子惡意滋擾，非法進入中國駐曼徹斯特總領館，導致中方人員受傷，中方館舍安全受到威脅。他希望英方切實履行責任，採取有效措施，加強對中國駐英使館館舍和人員保護。

黃友最叻顛倒黑白，仲將黑暴文化帶到「祖家」，有網民鬧爆班黃友，「黑暴去到哪邊都累街坊」，亦有人串爆，「將美麗嘅風景線殺入曼城」。大家有咩想同呢班搞事黃友講？歡迎留言！

原圖：素材網、「捍衛港人陣線」FB圖片

https://elements.envato.com/manchester-england-NE66VB5

https://www.facebook.com/photo/?fbid=176650178281609&set=pcb.176645304948763