移英港人以為只要唔喺香港就大晒，絕對大錯特錯！有網民喺連登討論區發帖，話佢朋友借咗8萬蚊政府失業貸款之後就走佬去英國，仲話反正係政府做擔保，如果佢朋友唔還錢，政府都會幫佢還畀銀行，仲好肯定咁話佢朋友唔會有任何後果。帖文一出，唔少網民都質疑事件真假，有法律界人士提醒大家：借錢唔還，分分鐘變通緝犯！

離港亦可定罪

對於網友「借完失業貸款走咗去唔還都冇事」呢番偉論，大律師陸偉雄唔同意，他向記者表示，就算離開香港亦可將其定罪。陸大狀仲話，呢位仁兄如果諗住借政府錢可以唔還，政府可以用「盜竊」罪告佢；若疑犯唔喺香港，警方仲可以申請埋通緝令，咁條友就會因為少少錢而升呢做通緝犯喇。

至於網友話只要人唔喺香港，香港政府都冇佢符，陸大狀同樣不敢苟同。陸偉雄話，只要證據確鑿，就算被告人唔喺香港，法庭可以照常審理案件，照樣可以將佢定罪。

好人好姐，冇理由為咗嗰8萬蚊搞到自己喺香港身敗名裂掛？！任何喺香港犯法嘅人，就算走到天涯海角，香港政府及香港警察都會追究到底！想玩小聰明？因住有法律後果呀！

原圖：素材網