屯門新墟街市阻街嚴重困擾街坊多時，經過民建聯立法會議員周浩鼎向有關部門多次反映問題之後，情況得到改善！周浩鼎喺佢社交專頁發帖表示，今日（13日）聯同警務處、食環署、屯門民政事務處及屯門地區人士到屯門新墟街市了解情況；周浩鼎發現，街市周邊市容同之前相比有明顯改善。好嘢！

周浩鼎表示，街市明顯比之前要暢通，足以證明執法部門充公阻街貨物有阻嚇作用。至於現場仍有部分商戶嘅貨物阻街，周浩鼎表示，警方及食環署已即場採取貨物充公嘅聯合執法行動。

周浩鼎仲話，有部分違法阻街嘅商戶「已成惡霸」，街坊都對執法部門採取充公貨物行動表示大快人心。

希望政府有關部門堅持執法，等屯門新墟街市等地違法阻街現象得到解決，令街道暢通，市民行起上嚟更舒心！

原圖：周浩鼎FB

https://www.facebook.com/photo/?fbid=650833116410987&set=a.347676860059949%EF%BD%A4