年輕人追求刺激玩極限活動，隨時出意外及惹上官非！近日網上瘋傳一條影片，片中一名青年疑喺港鐵南昌站內玩亡命「瀡天梯」，只見佢跳上南昌站內超長扶手電梯旁嘅斜台，從頂滑到落尾，真係嚇親旁邊搭緊扶手電梯嘅乘客。據上載者表示，片段拍攝於10月。港鐵已就事件報警，但表示暫時未收到有關情況嘅報告。
喺港鐵南昌站搭過地鐵嘅市民都清楚，站入面有條超長嘅扶手電梯，高度起碼兩三層樓咁高。雖然呢名青年喺影片嘅最後，好順利咁瀡咗落地面，但一個唔覺意，隨時失手受傷，分分鐘有性命危險。
早喺上個月，香港已經有青年喺天台玩極限運動不幸墮樓身亡，而家又有青年喺港鐵站內「瀡天梯」，令人感到呢種亡命運動已經開始成為香港潮流。有網友睇唔過眼，大鬧呢位青年冇吸取教訓，仲話佢「後生唔係大晒」！
小編認為，年輕人張揚個性、展現自我並冇咩唔啱，但一定要分場合。港鐵站作為成千上萬市民通勤嘅密集公眾場所，唔止容易傷到自己，亦好容易傷害到其他人。此風不可長，支持警方徹查！
原圖：星島日報、影片截圖
https://std.stheadline.com/realtime/article/1878885/
投票已截止，多謝支持
返回
