荃灣聖芳濟中學日前有14名學生因不尊重升旗禮而被停課3日，事件引起外界深思愛國教育的問題。曾任將軍澳香島中學校長嘅立法會議員鄧飛今日（12日）喺電台節目表示，教育局應就此類事件制定劃一、清晰嘅罰則指引，而唔應該交由學校校本處理。他認為涉及國旗、國歌絕無小事，教育局要擔起責任。

鄧飛表示，升國旗及早會等活動，學生都係提前收到通知；就算唔係升旗禮，學生喺早會舉行期間進食早餐亦唔應該。

校方喺聲明中表示，已同涉事學生家長溝通，依照程序處理事件。但鄧飛認為，此事已經涉及到法律問題，其後續程序應由教育局嚟執行。有指對涉事學生停課3日是否懲罰過重，鄧飛認為停課本身嘅性質唔算好嚴重，而且校方亦有作出功課上嘅跟進安排。鄧飛話，如果學生被記缺點甚至記過，就會對學生嘅將來有好大影響，相比之下停課嘅影響細好多。

鄧飛議員講得好！雖然今次事件產生好大嘅負面影響，但另一角度睇，呢件事亦都係讓有關當局填補愛國教育不足嘅好機會，令學生可以喺更完善嘅愛國教育環境中成長。

原圖：星島日報、鄧飛FB

https://std.stheadline.com/realtime/article/1878352

https://www.facebook.com/photo.php?fbid=635508691585890&set=pb.100053802938781.-2207520000..&type=3