使用者名稱
使用者電郵
密碼
確認密碼
年齡
性別
Generic placeholder image
想收到的資訊
  • 時事
  • 投資
  • 生活
喜歡的資訊
  • 編輯推介
  • 時事新聞
  • 博客
  • 投資
  • 趣味影片
  • 生活
教育水平
  • 小學
  • 中學
  • 大學
  • 碩士
  • 博士
常用的社交媒體
  • Facebook
  • 微博
  • WeChat
  • Whatsapp
  • Twitter
  • Line
  • Instagram
確認

我們會發送內含重設密碼連結的通知信給您

確認

博客

美國一日做庸人
世界一日難發展

2022.10.04 18:00 博客 葉鳴

面對疫慌、俄烏膠着嘅戰事,世界面臨嘅動盪和不確定令人擔憂!呢!聯合國2030年可持續發展議程嘅全球落實受到重創:全球將近70個國家嘅12億人口面臨疫情、糧食、能源、債務危機,全球過去數十年減貧成果,很大可能付諸東流!

此時此刻,筆者特別想起中國國家主席習近平常提出的「發展是破解各種難題,實現人民幸福的關鍵」,要解決世界面臨嘅各種危機,確實需要各國精誠合作。然而,美國就係鍾意興波作浪,除咗大打台灣牌,就係攞和平崛起嘅中國說三道四!

美國失信世界 把戲不再靈光

最新嘅例子,莫過於美國日前又主辦首個美國與太平洋島國峰會,國務卿布林肯對12位太平洋島國領袖及兩島國代表稱,美方承諾提供「巨額」援助,以抗衡中國係太平洋地區不斷上升嘅影響力。事實係有島國領袖憂美國財政援助不足,拒簽聲明,後來幾經美國一番斡旋,最終都簽了。看來,老美擺中國上枱以掩飾其霸權野心,老狗玩不出新把戲,失信於世界,不靈光了!

另一單備受關注的,當推位於波羅的海水底嘅北溪兩條天然氣管道被炸,令大量天然氣由海底湧出。各方認為被蓄意破壞嘅機會高,瑞典國家地震台網稱,洩漏區域發生咗兩次水下爆炸。此外,兩條管道深處海底,而且覆蓋鋼筋混凝土外套,保護力足夠,破壞並非易事。能夠實施如此高難度嘅精準爆破,非國家級軍事力量恐難以達成。

美國和烏克蘭一直把矛頭指向俄羅斯,惟不少分析都覺得美國似「元兇」多啲。因為俄羅斯斷估唔會自己炸毀自己建立嘅生財工具,自絕和歐洲談判嘅籌碼。北溪被炸後。美國液態天然氣交易明顯上升,利之所在,老美會同你客氣嗎?

更令人覺得係美國幹的「好事」,皆因美國總統拜登今年2月與德國總理共同見記者時,佢老人家老神再再表示,若俄羅斯入侵烏克蘭,北溪二號線將不復存在,我們將終結它;佢仲慌死人不信,向記者喊話:我向你們保證,我們能做到。其後,儘管五角大樓官員澄清,美國絕對沒有參與破壞行為,可惜一言既出,駟馬難追!

霸權搞三搞死 地球永無寧日

有論者又指出,以美國天上衛星多如牛毛,世上任何一個角落絕對無法逃過其法眼,旨哉斯言!今趟北溪被炸,老美一味劍指俄羅斯,又拿不出一項像樣嘅證據,難怪被詰問:唔通美國佬嘅衛星報廢失靈?

當兩條管道內嘅天然氣唔再漏氣,屆時科學家與調查人員就較易進入現場,或可找出相關線索。筆者只係覺得,天下本無事 ,庸人自擾之。只要美國這個「庸人」一日在搞三搞四,一味拿中國所謂「威脅」來亂噏廿四,地球就永無寧日,只會有更多難民受害!

中國要的是發展吖,「庸人」!

原圖:Joe Biden Facebook圖片

投票已截止,多謝支持

發表意見

排列方式: