中國女籃姑娘奪得女籃世界盃亞軍！喺今日下午2點舉行嘅女籃世界盃決賽中，中國女籃姑娘喺主力射手李夢因病缺席嘅情況下，使盡渾身解數，與強大嘅對手——美國女籃拼到最後一秒，由於實力上嘅差距，最終中國女籃姑娘以61:83不敵美國女籃，取得世界盃亞軍！呢個成績亦都係自1994年女籃世錦賽亞軍（後來更名為女籃世界盃）之後，中國女籃取得嘅最佳成績！

喺尋日（30日）對澳洲女籃比賽中，中國女籃頭號得分手李夢由於發39度高燒無法出場，最終女籃好爭氣咁以61:59「絕殺」東道主澳洲女籃，殺入今日嘅決賽。可惜今日決賽，李夢身體仍未恢復，無法出戰。但女籃依然團結一心，打出艱苦嘅最佳水平，打出一場精彩嘅比賽！面對世界盃賽場已經取得29連勝嘅美國女籃，中國女籃大方展現自己嘅最好水平，表現到極致，但由於實力差距明顯，以22分只差結束比賽，美國女籃奪得第11次世界盃冠軍。

無畏金蘭，無悔綻放！中國女籃姑娘，你哋已經表現得足夠優秀！雖然沒能獲得冠軍，但已經取得自1994年女籃世錦賽以來的最好成績，面對強大嘅對手，無畏無懼，打出自己嘅精、氣、神，絕對抵讚！

原圖：新華社微博圖片

https://weibo.com/1699432410?refer_flag=1001030103_&layerid=4819690860577965