話說鬧得沸沸揚揚嘅所謂移民潮已經持續咗幾年時間，黃絲陣營成日話「高質」港人好多已經移咗民，對我嚟講，呢啲所謂嘅「高質」人士，遲早會成為各個國家同各個地區嘅禍害。
 
成日都以自我為中心嘅呢班人，係冇可能融入所謂嘅西方「民主」社會，就攞呢一排英國大罷工事情嚟講，英國人已經習慣呢啲工潮，喺罷工期間自然有預期自己平日嘅生活會收到影響，但係要運用呢啲權力就係大家要暫時忍受一段時間唔方便嘅生活。
 
但係見到好多移英港人就成日喺社交媒體吵話罷工影響自己嘅生計，冇地鐵搭要日日Call Uber，車錢唔夠畀人工咁話。
 
但係移民之前呢啲人竟然唔知呢啲生活細節嘅咩？罷工喺英國年年都有嘅喇，難道以前日日睇《蘋果日報》抹黑內地，就一啲國際新聞都冇睇過？
 
更搞笑嘅係，英國愛丁堡有環衛工人罷工，呢班所謂「高質」港人竟然發起自己清理垃圾嘅運動，真係令人O晒嘴，成個罷工嘅邏輯就係要癱瘓社會正常運作去逼政府讓步，家陣呢個「高質」人士竟然咁樣搞串個Party，唔知當地人會點諗點睇呢班「高質」人士呢？
 
我言承浩就覺得，應該畀移民潮嚟嘅更猛烈些，借住西方國家扮好人放鬆移民政策嘅良機，放走多啲晒呢班成日以自我為中心，但係又扮晒普世價值觀去做事嘅「高質」人士。冇咗呢班「老鼠屎」，香港再次經濟起飛，就會更快、更高些！

原圖：素材網