東南亞「賣豬仔」事件，執法部門盡力營救，當局亦正全力協助，這些詐騙集團竟如此猖狂，讓受害者遭受非人式的虐待，決不可輕饒！

保安局局長鄧炳強亦非常關注事件，更特意拍片提醒市民唔好「中招」！鄧局長在其個人社交專頁節目《小角色 • 大人物》製作番外篇，在短短2分半鐘親身訪問「騙徒」，宣傳「慎防受騙、便宜莫貪」嘅正面訊息。片中騙徒由演員飾演，聲音亦經過處理。

鄧炳強問「騙徒先生」不少問題，例如如何騙人到外地非法工作、究竟有咩人容易上當、咩人無咁易落入圈套等等問題。最後鄧炳強問他有咩可以為佢做，「騙徒先生」話想走人同食叉燒飯，鄧炳強即霸氣回應呢位「騙徒先生」：「監倉飯有得你食！」

冇錯！正如鄧局長所言，為罪責坐監食「監倉飯」，犯法必究！其次，希望各位市民睇完片之後，最重要係提高警惕，慎防受騙呀！

原圖：鄧炳強Facebook