美國向來以太空科技龍頭大國自居，但近來好似唔多掂喎！美國企業「藍色起源」火箭噚日（12日）喺得州西部發射場升空，點知火箭發射後突然噴火。千鈞一發之間，載有實驗儀器的太空艙隨即脫離火箭，以降落傘著陸。不過火箭本體就無咁好彩啦！該企業雖然冇講失事火箭的下落，但估計已經墜毀。

「藍色起源」今次呢支載貨火箭，頂部的太空艙載有36件實驗儀器，預計在低軌道太空短暫停留後返回地球。點知火箭升空咗一分鐘左右，就喺當時距離地面約五英里的半空噴出大量火焰。為咗保住貴重的儀器，太空艙啟動緊急逃生系統，先放出三個減速降落傘，最後張開主降傘，先安全降返地面，公司唔駛渣都冇得剩。

早前美國大空總署打算發射征月火箭，先後兩次都因發現問題而發射唔到。今次企業火箭仲喺發射後墜毀，真係好得人驚！霸權的太空科技仲好似差過以前呢？都係小心啲好喎！

原圖：TVB截圖