英國罷工事件越搞越大，當地日常生活隨時受到影響！為抗議生活開支不斷上升，英國多個工會相繼發起罷工，到九月甚至可能聲勢更浩大。

上週，英國公布最新通脹率達10.1%，當中能源加幅最大，部分居民喺十月嘅電費甚至可能急升八成。物價飛脹，但人工又遠遠追唔上，於是工會聯盟為咗博加薪，就發起罷工。目前有搞罷工嘅有不同地區嘅巴士司機、垃圾車司機、清潔工人等，另外，連郵局員工、鐵路工人、碼頭工人、甚至大律師都先後發動工業行動。

由各行業工會組成嘅工會聯盟下月就會召開大會，或將加強罷工聲勢。聯盟公共服務業幹事羅旺仲話，為咗唔想拖延，希望行動係激烈有效。即係幾大可能會越演越激，都好大鑊喎！

兩年前黑暴禍港，發起所謂「大三罷」，意圖癱瘓本港嘅交通、經濟，但對一般市民造成嚴重不便，甚至連上門逛街都做唔到。英國而家嘅罷工事件睇嚟都會持續一段時間，移英港人坐車、寄信等隨時受到影響，唔知佢哋又會有咩感受呢？

原圖：now新聞截圖、素材網

https://news.now.com/home/international/player?newsId=488230