騙徒手法層出不窮，大家千萬要留神！警務處東區警區的「防騙盾行動」創刊號已經出版，報道有分享一則真實騙案，公布騙案上升數據，更有告知讀者網上投資騙案的詳情，內容豐富。

「防騙盾行動」介紹咗「網上投資騙案」三步曲，首先，騙徒會用社交媒體結織受者人，聲稱自己喺投資達人，與受害人混熟，攞到對方信任。其次，騙徒會誘騙受害人進行假投資，如推介假投資APP畀對方；然後叫受害人喺該APP開戶，再將錢存入去並喺上面進行買賣。最後，受害人一開始都會賺到些少利潤，騙徒喺受害人嘗到「甜頭」後，再誘騙受害人加大投資金額；當受害人想攞番本金及利潤時，騙徒就會係咁拖拖拖，或者叫受害人入加多錢。結果，受害人就會好似報道舉例嗰名工程師一樣，半生積蓄化為烏有。

報道亦用數據話畀大家聽，2022年上半年四種最大升福的騙案數字，上升最多的是網上購物騙案，增加了近4,000宗。其次是上升了逾1,700宗的求職騙案和上升了逾1,200宗的投資騙案，電話騙案則上升了近800宗。數字之多，咪話唔得人驚！報道仲同大家分享咗個「冷知識」：原來港人每日被騙走約1,700萬，差不多等於每日被騙走一個太古城三房單位！

大家記住提高警覺，仲要提醒身邊人，小心咪畀人呃！如有懷疑，可打18222防騙熱線。

原圖：香港警察facebook

https://www.facebook.com/photo.php?fbid=425544669602852&set=pcb.425539026270083&type=3&theater

https://std.stheadline.com/realtime/article/1587124