英國BNO簽證計劃超過一年半，而家至少有11萬名港人獲批。究竟呢班移英港人生活成點？過得有幾慘？可唔可以融入英國社會，做個「真英國人」呢？有調查發現，移英港人雖然好相信英國政府，但當有起事上嚟，都係要依靠返香港朋友架，睇嚟移英港人要完全融入就仲有啲距離啦…

英國非牟利團體 「英國迎接避難者」轄下嘅 「迎接香港人計劃」和在英港人教會「英倫好鄰舍教會」合作進行研究，探討BNO港人在英國的公民和社區參與情況。調查指出，有88.2%受訪者表示英國政府「信得過」。前浸大社工系系主任趙維生形容話，移英港人對當地政府信賴度高，但最搞笑係，英國人對政府的信賴度只係得4成。睇嚟移英港人好似吸得自由空氣多，實行信晒英國！

口講信字，但身體就好誠實！成日話出外靠朋友，當有起事上嚟，移英港人又會突然覺得英國人信唔過，搵返香港人幫手。移英港人喺社交網絡及經濟支援上，大部分人都係靠香港朋友，當中有31.4%人嘅密友來自香港，同時亦有18.1%人沒有或僅有一個親密朋友可交談。趙維生話，港人喺英國有社交網絡，但無互助網絡。

總結嚟講，移英港人要成為「真英國人」仲有大把問題要解決，都仲未講歧視、文化差異、飲食差異呢啲基本野啦！既然係咁，都係做住「二等公民」最實際啦！最重要唔好返嚟！

原圖：素材網