張家朗喺世界劍擊錦標賽斬獲銅牌，成為首名喺呢個比賽企上頒獎台嘅香港男子劍擊選手。世界劍擊錦標賽近日喺埃及舉行，東京奧運金牌得主、目前世界排名第一嘅香港「劍神」張家朗一路過關斬將，殺入四強。面對嘅對手係意大利選手馬連尼（Tommaso Marini），早段雖陷入劣勢，落後2：8，但張家朗一向打慣「逆境波」，中段奮起直追到10：12。即使最終以12：15惜敗，但由於世錦賽冇銅牌戰，張家朗順利奪得季軍。

呢面獎牌係張家朗世錦賽個人嘅最佳成績，亦是香港劍擊史上首名獲世錦賽獎牌嘅男劍手。此外，江旻憓早前於女子重劍個人賽亦獲銅牌，香港劍擊隊目前已有兩面獎牌落袋。

每一場賽事都拼盡全力，戰至最後一刻，張家朗嘅體育精神值得我哋學習。恭喜張家朗再刷新香港劍擊史，繼續加油，我哋撐你！

原圖：國際擊劍聯合會（FIE）facebook

https://www.facebook.com/fie.org/photos/5340674469313687