一個對社會冇建樹的黨，仲敢籌錢，臉皮都好厚喎！民主黨定時都會刷吓存在感，即使近日疫情有反彈趨勢，佢哋都闊佬懶理，近日喺社交平台大肆宣傳本月16日喺尖沙咀嘅「年度宴會」，有午宴、傍晚宴、晚宴，一日食足三轉，價格有$400、$1,000和$2,000三種。有聲稱係「長期支持者」嘅手Joke都睇唔過眼，唔畀面咁留言話對民主黨「越嚟越失望」，仲串爆咁話「咁多黨友在牢獄之中，仲有心情搞宴會？」
去年底嘅立法會選舉，民主黨搞「軟對抗」，設下極高門檻唔畀黨員參選，變相杯葛選舉，最終冇人參選，自然0議席交白卷。而黨內一眾區議員或自動辭職或被DQ，冇咗議員支持，民主黨連營運都相當困難，難免要籌錢打救。但既然都已經對香港冇咩建樹，點解仲要問市民攞錢呢？而且正如網友所言，目前好幾位黨員或前黨員如林卓廷、胡志偉、尹兆堅等人都涉違法初選案還押中，民主黨仲要搞宴會。雖然該黨聲稱有幫在囚黨員支付訟費，但實際上有冇畀、畀咗幾多就不得知啦！而家連手Joke都對民主黨失望頂透，咁呢個黨仲有咩存在意義呢？
原圖：星島日報、民主黨facebook
投票已截止，多謝支持
返回
