唔少走佬黃友都鍾意用「為下一代」做理由，實際上仔女喺英國真係如佢哋所想咁「愉快學習」，將來成為社會棟樑嗎？全國政協副主席梁振英（CY）噚日（9日）喺社交平台發帖，以自己曾住過英國三年嘅「過來人」身份，跟網民講講青少年喺英國會遇到嘅種種社會問題。

CY喺過去40年，曾住過英國三年，跑過英國200次，對英國有一定程度嘅熟悉。佢喺帖文中直指，移英港人「最頭痛而最不宣之於口」嘅問題係「子女入學後的適應和管教問題」。香港孩子入讀英國嘅公立學校，大多品流複雜，隨時要承受文化震盪（culture shock），例如「怎樣看待未成年性行為？怎樣看待父母的地位？身邊的中學同學懷孕、墮胎怎樣理解？『軟性毒品』是什麼一回事？做家長的有準備嗎？」CY提出一連串嘅問題，正係移英港人嘅下一代可能會遇到的問題。

仔女若然學壞，點算呢？CY好幽默咁話，「出了問題，找誰？找羅冠聰？他大概會用一個字把你頂回去：『Freedom』（自由）！找約翰遜？他一句話回你：『入鄉隨俗嘛』！十五歲懷孕有什麼問題？墮胎有什麼問題？」CY明言，幾年之後，呢班移英港人就會發現，「下一代的價值觀完全變成英國青年人的一套，脫離中國人、香港人的一套。」CY反問呢班移英港人，「為了走而走，犧牲品是下一代？」

外國父母多採取放任主義，邊似中國父母咁緊張仔女嘅品德人品問題？當喺英國遇到CY所講嘅呢啲問題，唔知嗰班聲稱「為仔女而移民」嘅移英港人又會點面對呢？

原圖：素材網、星島日報

https://pixabay.com/photos/big-ben-clock-tower-landmark-tower-6216420/

https://std.stheadline.com/daily/article/2345103