回歸25周年咁開心嘅事，梗係要大家一齊分享啦！為慶祝香港回歸祖國25載，響應政府「慶回歸顯關懷」主題，香港陽江青年總會、香港陽東商會、香港陽東青年企業家協會、粵港澳大灣區創新智庫及網絡紅人工作者協會，聯合發起《陽光慶回歸，頌祖國，開新篇，創未來》活動，尋日（24日）同九龍城區居民聯會合辦《陽光抗疫行動》，探訪九龍城紅磡邨等150戶基層家庭，關心他們所需，並送贈150個「慶回歸抗疫禮包」，提醒大家，防疫唔好鬆懈！

行動召集人高松傑、九龍城區居民聯會總幹事及九龍社團聯會常務理事馮務君、多位陽江市各級政協委員、多位KOL（李凱瑚、朱庭萱、曾榮輝、大眼）等負責組織發起今次活動，另外更邀請咗九龍城民政事務專員蔡敏君擔主禮嘉賓。希望大家喺開心慶祝回歸嘅同時，可以做好防疫抗疫措施。

高松傑致辭表示，佢哋探訪咗多戶百歲人瑞，好感激佢哋過去為香港作出嘅貢獻。高松傑話，今次探訪活動係《陽光慶回歸，頌祖國，開新篇，創未來》三連環活動嘅「首部曲」，接下來仲有更多有意義嘅活動，例如今日（25日）佢哋會以「感恩義工」嘅名義，感謝一班喺社區默默付出嘅無名英雄；至於聽日（25日）將會以「回顧25載一國兩制成功實踐」為題，以線上音樂會嘅形式演繹，讓香港青年正確學習香港回歸歷史，以正能量音樂與民同樂。

除了探訪九龍城紅磡邨，昨日上午，佢哋一行人亦有到順安邨，向100個基層家庭送上慶祝香港回歸嘅問侯。

認真抵讚！感謝一眾有心造福市民嘅KOL及政協委員落區為基層送暖！香港回歸祖國25周年即將來臨，希望大家都可以共同感受到同樣嘅快樂！

原圖：香港陽江青年總會