《國安法》利劍震懾黃人！7月1日是香港回歸祖國的周年，往年民陣都會在這天搞遊行「贈㷫」。不過，今年不同了，由於民陣上年已經摺咗，黃營剩下的民主黨、民協等亦不成氣候，相信今年七一冇人「吹雞」搞事囉！

有媒體就七一遊行詢問民主黨和民協，民主黨主席羅健熙及民協主席廖成利都表示，目前冇七一活動計劃。睇嚟民陣收檔後，黃營好似冇人再吹雞遊行搞事。咁咪好囉！市民終於可以安心慶祝回歸25周年喇！

一直以來，社會對七一遊行都很包容。自2003年起，民陣都會市民都會喺七一遊行表達社會、民生嘅訴求，本來和平示威係冇問題，警方以往都會發出不反對通知書。本來大家遵守秩序，和平表達訴求，絕對反映香港社會多元特色。

七一遊行因黑暴變味

但自從2019年開始，七一遊行已經變味，逐漸變成黃營與港獨黑暴合流的舞台。2019年七一遊行，適值黑暴爆發不久，有人趁七一遊行搞事，仲發生暴徒衝擊破壞立法會事件。

至2020年6月30日晚上11時，港區國安法生效，加上疫情肆虐，警方就冇批准遊行。不過在2020年7月1日，黃營依然有人上街聚集，當日有370人被捕，更發生獨友唐英傑揸電單車撞警事件，成首宗《國安法》案。2021年7月1日晚，則發生了「孤狼」梁健輝刺警後自殺嘅惡劣案件。

當七一和平遊行淪為暴力衝擊，自然沒有存在的空間！黃友不要賴政府收緊遊行審批，要怪就怪自己「搞串Party」！畀市民一個喜慶而安寧嘅七一，開開心心慶回歸啦！

原圖：星島日報

https://std.stheadline.com/realtime/article/1308131