唔講唔知,原來「理大學生會」目前仲存在,只不過換咗個名咋!理工大學早前發聲明,唔再承認學生會嘅地位,要求佢地要更改組織名,否則就係違反大學條例。學生會知衰,唯有改名,近日就公布個新朵叫「紅磚社」。就算改咗名,都係苟延殘喘,紅磚社評議會今晚將舉行會員大會,傾吓之後點算,其中就包括解散或者暫時凍結兩個方案。
「紅磚編委」(前身為理大學生會編委會)表示,若喺會員大會中,有四分三會員同意,前身為理大學生會嘅紅磚社就會解散;學生會資產就會向會員平均分配,同埋交畀校方設立獎學金。如果決定暫時凍結學生會,就需要更改會章同理重組架構等程序。
咪以為換個名就冇人認得呢個黃學生組織,再留喺度都冇咩作為,不如散水算啦!
原圖:星島日報
https://std.stheadline.com/sc/realtime/article/1133720
投票已截止,多謝支持