一場區議會宣誓打殘整個黃營，黃政客紛紛上演港版「官場現形記」。話說葵青前區議員周偉雄舊年7月中遲任區議員後全力潛水，但佢遲至近排先至蒲頭接受訪問，自爆早喺辭職後半個月就閃咗去英國，大大話話10個月喇，真係多謝你依家先通知我囉。周偉雄話喎，依家做緊餐廳樓面，算係處於「學習階段」，話要融入新生活同埋英國文化添！

周偉雄遲咗足足10個月先至上水同手Joke們報平安，咁都未算，周偉雄喺佢嘅社交媒體專頁發帖開心Share相關訪問時，係咁依潦兩句：「各位街坊，在此向大家致歉！不辭而別實情非得已，希望大家諒解！」又遲又Hea，令人佩服，難為手Joke當初投票畀佢咋。

聲稱抱走難避難心態赴英

周偉雄話自己係抱住走難同避難嘅心態去英國，頭三個月冇嘢撈，因為去到英國先至申請BNO，去到10月底至獲批。佢嘅工作履歷好吸引人㗎，喺香港做已完，嚟到英國又做過幾日裝修雜工，又做過餐廳廚房雜務，近排就轉做餐廳樓面，真係非常有正能量。

周偉雄由尊貴嘅議員轉行做樓面，過住黃人最嚮往嘅民主自由大國理想生活，唔係人人都恨到㗎！你慢慢享受啦！

原圖：頭條日報

https://hd.stheadline.com/news/realtime/hk/2133030/