只准黃友聚眾播獨，不許愛國者放國歌的典型英式雙標，近日在曼徹斯特街頭上演！話說昨日是被黃友奉為「朝聖日」的所謂612三周年，大批黃色分子喺英國晒馬集會，紀念佢哋嘅大日子。據報現場最少有1700人參與。

眾所周知，國安法實施至今，黑暴在香港幾近絕跡，相信也不會有機會死灰復燃，依家只剩一班海外黃友偶爾露下臉，刷下存在感，與其講係紀念，不如話係悼念吧啦！

但呢場毫無意義嘅大龍鳳，竟然沿途有英國警員協助開路及維持秩序，呢班人仲不斷高叫乜乜「光復香港，時代革命」之類嘅過氣黑暴口號，當一眾黃人自high期間，有一名正義嘅華裔愛國男忽然喺人群中播放中國國歌《義勇軍進行曲》，以正氣激昂之音抗議黃風邪氣，在現場引起哄動，但該名男子迅速被英國警方拘捕，雙手被反扣押走。

同樣係表達訴求，但向來標榜言論自由嘅英國，做法竟如此大細超，英警對黃友和愛國男擺出的「兩幅面孔」，再次講明一點：英式雙標，可恥！

原圖：影像補完計畫 Hong Kong Walker YT視頻截圖