香港的黃媒雖然摺得七七八八，旗下黃友唔少仲走埋去英國，但原來呢班人移英後依然「黃」心不息，仲想搞事。時事評論員練乙錚話，下月會喺英國創辦「海外香港傳媒專業人員協會」（傳協），其餘創辦人仲有港台英文台《脈搏》前主持Steve Vines、英國「華人工黨」創辦人吳呂南、前記者王俊彥。傳協喺社交平台聲稱想支持移居外國的香港新聞工作者再度投身新聞，仲話要繼續監察香港新聞自由狀况添。

為咗打響頭炮，傳媒準備下月於倫敦西部Hayes搞幾場主題叫「重建海外香港公民社會」的研討會，同場更有香港市集。傳協話市集上會展出「抗爭藝術品」，包括禁書、黃文宣的文創品等。活動資金則由組織「香港監察」負責。搞活動都要使唔少錢，睇嚟黃友都課金咗唔少喎！

呢班黃媒人都已經走咗去英國，香港的新聞又關佢哋咩事呢？

原圖：星島日報

https://image.stheadline.com/f/680p0/0x0/100/none/3df150948f7c4680ea9e7db490a481c6/stheadline/news_res/2021/12/31/1197789/i_src_042295221.jpg