有人輸咗唔忿氣喎!黃大仙區議員譚香文舊年出戰立法會選舉,最終得8,028票,三個參選人中得票最低,與第一位李慧琼的95,976票相差近12倍。佢日前接受馮檢基的網台訪問時,講起呢事件,佢隨即大呻走佬黃友叫人投白票或唔投票,大大聲反問「咁邊個服務你?邊個幫你呀?」譚香文似乎將自己輸足九條街的原因歸究手Joke冇投票畀佢。佢又批評泛民唔參選係錯誤決定,表示中央話明「有十幾個地區,跟住功能組別又畀啲你哋,最少有十幾個位喎,你都唔珍惜呢個位呀?」譚香文話泛民此舉係等於自絕「錢途」和前途,自行斬斷生存空間,同時又鬧爆民主黨將撐參選的黨員革走的做法。
譚香文都識講番句人話?國家一直都畀機會市民參選,正如國務院港澳辦主任夏寶龍所言,選舉係「五光十色」。黃友自己放棄投票機會,仲叫人杯葛選舉,一切都係自己自己攞嚟衰!
原圖:星島日報
https://std.stheadline.com/realtime/article/1782239/
投票已截止,多謝支持