恭喜晒！現年68歲、已將發展重心轉移到內地、常常在內地短影片社交平台抖音直播帶貨嘅資深演員李國麟。近日佢喺個人抖音平台上載咗條片，好開心咁同網民分享，話佢終於申請到《港澳居民居住證》！

佢仲話，申請到呢張居住證係佢今年最開心嘅事。話時話，港澳居民如果有咗呢張居住證，就可以辦理喺內地工作必須要有嘅社保（社會保險）。出行買機票、高鐵票等可以喺網上或者自動售票機上買到；如果冇居住證，用回鄉證（港澳居民來往內地通行證）買票就只能去到人工售票窗口，對於成日要往返內地同香港嘅李國麟，成件事真係比以往便利好多，所以佢咁開心都可以理解！

內地市場比香港廣闊得多，因此近年越來越多香港、澳門藝人選擇到內地發展事業，並在內地定居。因此有了內地居住證確實係生活得更舒適。恭喜晒李國麟！希望你可以拍出好嘅影視作品！

原圖：星島日報、李國麟抖音截圖

https://image.hkhl.hk/f/1024p0/0x0/100/st/380a91fe5b3cc84351949416e770903b/2022-01/WhatsApp%2BImage%2B2021-11-21%2Bat%2B16.27.10.jpeg