坐過監都仲可以移民,仲唔係特事特辦?因喺立法會舉行會議期間高呼口號,違反《立法會權利與特權條例》被捕,並以藐視罪入獄三星期嘅前立法會議員張超雄,日前主動承認家移民加拿大。對此,立法會議員、民建聯副主席張國鈞日前喺佢個人社交媒體表示,張超雄同佢屋企人享受緊嘅係VIP待遇,普通人如果喺香港坐過監,留有案底,自由空氣含量豐富嘅「五眼聯盟」邊會畀你去呀!
張超雄話走佬出去之後,「雖然未能安定,但至少安全」,講到喺香港佢就好唔安全咁喎!睇返佢曾經講過嘅言論,話要交社福界社工「出嚟暴動」,儘管佢當場糾正呢個「語誤」,但或者佢係唔覺意講咗心底說話啫!會唔會普通市民見到你反而仲唔安全啲呀?
有網民就表示,搗亂嘅人走咗,社會終可安寧;亦有網民話,走咗就以後都唔好返嚟,同埋移咗民就唔好再享受香港任何福利喎。好有道理呀,既然你講到香港咁唔適宜生存,咁就應該同香港嘅所有嘢都撇甩關係先啱,當然包括埋消費券啦。
其實西方講到自己幾咁公正、客觀同民主,但其實都係大細超啫!點解黃政棍坐過監就照收,普通下面嗰班上當嘅無知青年就唔要?擺明係特事特辦啦!
原圖:星島日報
投票已截止,多謝支持