俄烏戰事陷於膠着，轉眼已踏入第3個月。

呢場戰爭，對未來世局影響巨大。中國國家主席習近平早前已指出，對俄國實施全方位、無差別制裁，受罪嘅還是老百姓。如果進一步升級，還會引發全球經貿、金融、能源、糧食、產業鏈、供應鏈等嚴重危機，使本已困難的世界經濟雪上加霜，造成不可挽回嘅損失。這真是高瞻遠矚！

這種所謂「制裁」，無疑重創俄羅斯經濟，之不過，美國和西方嘅制裁，已經超越咗將經濟「武器化」嘅範疇，某種程度上，更是在綁架經濟全球化，以及二戰結束以來，由一系列規則和制度構成的國際秩序。論者認為，美國和歐洲對俄羅斯嘅制裁，係利用優勢追求政治目的，能否讓俄羅斯屈服且不說，但很難否認係在濫用優勢。

事實上，時局動盪，加上兩年多來嘅疫慌，各國經濟無不受到重創，美國及歐洲不追求穩定卻濫用甚麼「優勢」，只會令世界變得更悲慘！

當然，世事無絕對。呢，像全面禁止進口俄羅斯煤炭、石油和天然氣，能源價格梗係飆升及不穩定。之不過，能源危機窮了歐洲，卻富了挪威！皆因石油、天然氣等產品佔挪威出口額嘅40%，價格飆升將為其帶來巨大利潤。2021年，挪威嘅石油和天然氣出口創下記錄，達到88億美元。與一年前相比，石油和天然氣帶來嘅收入分別增加咗一倍同埋七倍。

正是有人歡喜有人愁！大家要知道，貧窮國家非常依賴俄羅斯嘅農產品出口。俄烏戰爭威脅到一啲國家嘅糧食安全。俄羅斯係世界上最大嘅小麥出口國，2020年俄國約佔全球小麥出口總量嘅20%。如今俄羅斯因戰事而令到30%嘅小麥作物尚未種植。喺供應短缺同價格上漲方面，非洲和中東國家可能係受到打擊最重嘅受害者。

此外，製造業亦都受到影響。好似被廣泛用於電動汽車電池中嘅鎳，俄羅斯正是其主要供應國之一。最近，鎳價格上漲；根據摩根史丹利嘅數據，美國生產一輛電動車嘅成本將增加約1,000美元。俄羅斯可能會限制呢啲材料嘅出口以回擊西方嘅制裁。

換言之，俄烏戰事已令世界陷入更多不確定性因素，烏克蘭總統澤連斯基一直呼喊美國更多物資、武器和錢銀嘅援助，佢完全唔知何謂「長貧難顧」！老美國內自顧不暇，澤連斯基卻把美國佬當「提款機」，要美國佬「人傻錢多速援助」！

關鍵時刻，政治人物需展現歷史責任和擔當。從澤連斯基身上，美國人可能只見其苛索無度。咁搞法，係人都怕咗你喇！烏國危矣！

原圖：素材網、澤連斯基twitter

https://elements.envato.com/flags-of-ukraine-and-usa-folded-together-68FYX2W

https://mobile.twitter.com/ZelenskyyUa/photo