第58屆金馬獎已係舊年11月嘅事，點解過咗差不多半年都仲要提？提呢件舊聞嘅係黃店Chickeeduck老闆周小龍，佢喺上星期六出咗個post，貼出佢同金馬獎最佳紀錄片導演周冠威嘅合照，前面仲慌死冇人知咁擺埋個獎喺度，貼文就寫住「佢就係周冠威，但我就唔係嗰個香港人，唔好諗多咗，金馬獎上面嗰個香港人，係你哋。」借周冠威當日得獎感言時講嘅「每一個有良知、有公義，為香港流過淚嘅香港人」句話又乘機抽水。不過，你估佢單單抽一嘢就滿足咩？緊係唔係啦！周小龍喺hashtag度寫住「周氏宗親會」，疑似想拉關係，沾吓人哋攞獎嘅光。查實一套咁嘅反中亂港電影，又有何光可沾？仲有，周係大姓嚟，天下姓周嘅人何其多，當中應該有唔少都唔想同周小龍佢哋有關係囉！

周小龍經常出post抽水兼刷存在感，大家都應該慣，但係今次拎返差不多半年前嘅事出嚟抽，似乎Out咗啲喎！係咪冇新嘢好講呀？

原圖：Chow Siu Lung Herbert周小兔Facebook圖片及截圖

https://www.facebook.com/herbertchowsiulung/photos/a.105880354485813/527323592341485