網傳長沙灣有刁民不滿警員抄牌，竟包圍警車爆粗指罵！據悉，事發於前晚（19日）8時許，警方在長沙灣海麗街一帶打擊違例泊車，期間疑有人不滿警員抄牌，竟爆粗挑釁。

片中市民粗口橫飛，大聲指責警員「你搞到民憤呀」，又挑釁說：「郁我吖！」警員回應指「違例泊車咁惡，睇清楚啦，7至12（禁區）嚟㗎！」，再有市民爆粗大罵，警員隨即說「大家咁話啦！」

警車隨後響起警號並準備開車，警員要求市民返回行人路，「點呀先生，唔係企喺架警車面前好叻吓嘛」，市民拒絕並稱「我宜家企喺度點呀？」、「再黎吖，一個鐘頭嚟兩次」，影片到此結束。

警方回應指，前晚8時許接獲報案，於長沙灣海麗邨附近有警員完成行動後準備離開時，一名57歲男司機報警，指因警員態度問題而發生爭執，最後和平散去，事件列作糾紛處理。

據悉，兩名57歲的涉案男子已被警方拘捕，現時仍在扣留調查中。

違例泊車屬違法行為，有人竟敢包圍警車爆粗指罵。自己犯法仲惡過人，呢個咩世界？好在警方已拘捕兩名涉案男子，支持警察強硬執法！

原圖：網絡影片截圖