一向都話香港警察係全能！市民大小事情都求助警察，原來連抗疫佢哋亦應付得到！

二月中警隊組織咗「警察醫療特別小組」，協助公院紓緩醫護人手短缺問題。小組由45名現職警員同一名退休人員組成，部分成員喺加入警隊前係註冊護士，醫療經驗豐富。小組被分派到三間公立醫院，負責非緊急救護運送工作，協助醫護。

其中46歲身為醫療課程導師嘅警署警長黃敬慈表示，呢個係實踐救急扶危嘅好機會，所以招募當日便即時申請，亦得到家人理解同支持。

投入工作嘅小組成員，終於親身感受到前線醫護人員所面對嘅壓力，更慶幸大家可以發揮所學，為抗疫工作出一份力。

黃敬慈話：「小組成員不論職級，都會親力親為運送病人同康復者，並為失禁長者清潔身體、消毒擔架床和輪椅。過程中，小組成員嘅急救醫療常識大派用場，病人同康復者全得以安全運送。」

團隊至今已經協助超過1800名市民， 期間見到好多染疫者經隔離康復後，同家人重逢非常感動。黃敬慈說，「幾辛苦都覺得係值得嘅」。他最忙碌時期每天需工作十四至十五小時，抵達家中時多是深夜，進食晚餐時已累得睡着。

警隊因疫情嚴重缺乏人手，但仍抽調人員協助醫護，無私奉獻精神絕對值得敬佩。致敬各位前線人員，感謝！

原圖：星島日報、香港警察官網

https://std.stheadline.com/daily/article/2452464

https://www.police.gov.hk/offbeat_ebook/1205_sp_edition/chi