《時代革命》盜用人哋首歌！？黑暴電影《時代革命》（以下簡稱「《時》片」）喺片中用咗黃獨歌《願榮光歸香港》（以下簡稱「《願》歌」），近日被《願》歌創作團隊DGX踢爆，原來未有授權《時》片用佢地首歌喎！

DGX喺社交平台鬧爆《時》片，話喺佢地完全唔知情下，《願》歌被商業活動、即《時》片盜用，仲要「播咗大半年、拐咗大半個地球先知」。DGX聯絡《時》片，念在對方係「同路人」，就收番三萬蚊「友情價」做版權費，但等咗四個月先收到合約，仲被要求要「獨家、永久、全球、所有平台」授權用《願》歌，搞到「火都嚟」。DGX喺最後要求《時》片「拎番走首歌」，話「唔尊重就唔好再用啦」！

《時》片導演周冠威今日喺該片的社交平台發帖認衰道歉，承認確實未有得到《願》歌的授權。但佢稱DGX的部分指控不實，他話喺2020年11月已得到《願》歌的MV授權，但直到舊年12月收到DGX詢問，先知MV授權並不包括歌曲本身。佢話當時已向DGX道歉，並答應包括電影盈利後會支付三萬版權費、會喺官網澄清版權爭議問題並致歉、亦會喺線上版本加入《願》歌的工作人員名單。

周冠威話自己提過「預計盈餘會在至少半年後出現」，打算喺約半年後處理合約，似乎目前仍未賺到錢。但DGX上月突然提出因為《時》片票房成績不俗，想爭取更合理的版權費，例如電影盈利的3%。《時》片將草擬合約發畀DGX，但對方指內容「極度不合理」及「極度不公平」；周冠威表示，合約只是「草擬」，DGX可修改，自己亦願意提高版權費。但DGX就批《時》片冇完成協議上的條件，之後就發生公開指控《時》片一事。

相信電影加入首歌，係想喚起黃友共情，搏多啲like，都好正常，但一定要尊重知識產權喎！搞到而家手Joke隔空互鬧、鬼打鬼，真係「公說公有理，婆說婆有理」，唔知邊個啱，就冇謂啦！

原圖：DGX IG、星島日報

https://www.instagram.com/accounts/login/?next=/dgxmusic/

https://std.stheadline.com/realtime/article/1186645